Құстар әлемінде

Естеріңізде болса, Куала-Лумпурда болып қайттым деген едім :). Базарлығымды қабыл алғайсыздар:).

This slideshow requires JavaScript.

Куала-Лумпур құстар саябағында жергілікті, шет елдік екі жүз түрлі үш мың құс бар екен. Бос жүргені де, тордағысы да, ұшқаны да, жүзгені де. Сан алуан құс болса, сондайлықты түрліше ән.

Өкініштісі сол, қазір біз құстарды тек осындай жерлерде көріп, тыңдаймыз. Күнделікті өмірде ала шапқынмен құс тұрмақ, қасымыздағы көршімізге уақыт таппай жатамыз. Табиғаттың бір бөлшегі болғандықтан, үндестігіміз де бірге болу керек сияқты. Иии, өкінішімді айтып болдым, әрі қарай тек қана қуанышқа бөлеген, шаттық сыйлаған құстар жайлы айтайын :D.

Білесіз бе, қарап жүрмей жаңалық аштым. Әлбетте, сіз үшін жаңалық болмауы бек мүмкін. Бірақ, мен үшін бұл «жыл жаңалығы» :). Тауыс (павлин) қай кезде қауырсынын ашатынын білемісіз? Бірнеше рет эксперимент жасап көргенім бойынша, құпия сөз мынау екен:»Пты-пты!» Птылағаным сол екен, қауырсынын ашып алғаннан түсірмей қойды :). Жақсысы, тауыстар баршылық екен саябақта, ерінбей әрқайсысына барып птыладым :D.

Эх, не деген құстар, не деген түстер десеңізші. Қанық бояулар көз тойдырады. Тоты мен мына бір құсқа ырза болдым. Айтыңызшы, түсі қандай қанық, көз демалады емес пе, ия?

Тоты құстарға сөзім жоқ, керемет-ақ :). Өзім сияқты шемішкенің фанаттары, қолдағы шемішкені көре сала, қолға жайғасып, әйдаа, шемішкені шаға бастайды. Бірақ дим де, махаббаттары шемішке таусылғанша жалғасады, содан соң қош айтпастан қолды босатып, кете барады. Қанша шақырғанмен құр қолға келмейді :).
Құстардың барлығын түсіре алмадым, салған әндерін тыңдап, қызықтарын қарап отырып уақыттың қалай тез өткенін байқамай қалыппын. Осындай кезде бір сағаттың шексіз болғанын қалаймын. Алла жазса, тағы да бармақпын :).